Ora bakalan langgeng ole e manjing kebicikan
Opo maneh, wis kedunungan roso kabotan
Sampe sepreneh ora gelem ngingkise kelakuan
Opo wujud, wis bakalan cocok mbek ucapan
Gampang ole e wedarno opo sing dadi tatanan
Ngakune, nek awak e wis manjing keapikan
Krentek, karep lan doyo wis kasembadan
Kabeh iku tetep dadi rahasia ora sembarangan
Omong sak omong ora nateh gawe patrapan
Tumindak lan utek e ora nateh manut tatanan
Isok e mung gunem, nyalahno laku ne lian
Percuma, ole e ngaku wis ngibadah tenanan
Kasunyatane, mung isok nyacat tumindake lian
Nek ngeneh, ngendi jarene ngelakoni tobatan
Ngendi jarene wis sabar naliko intuk cobaan
Anguro ngaku, awak e iki bejat lang brangasan
Anguro nganggep, awak e iki koyok bajingan
Ora bakalan, awak e iki isok dadi umat pilihan
Opo maneh, dadi sing kedunungan tuntunan
Roh sifat sejati iku kasunyatan !!
Ora mung angger omong sembarangan
Ngaku sempurno ngibadah ngelakoni keapikan
Nyatane, kabeh iku mung di gawe pameran
Ngendi wujud nyotone, jarene wis dadi panutan
Nyotone ora nateh ngerti ole e di gawe amalan
Anguro nganggep, kabeh iku tugas uduk ujian
Ben watak e ora gampang kintir nang dunyo sing wujud e dolanan
NGELEBUR HOWO BOLONGAN IRO
Berselimutkan makna
Beralaskan rasa
Tidak ada komentar:
Posting Komentar